Nongpoh, Nailar, 27: Ka Young Minds Association (YMA) kawei na ki kynhun treimon sngewbha kaba ju shakri ïa ki paidbah ha ka thaiñ Umroi, khamtam ïa ki longiing baduk ba rangli ka la pyllait paidbah sa kawei ka Ambulance ha Bhoirymbong.
Ïa kane ka Ambulance la khap ribon da ka Block Development Officer jong ka Bhoirymbong C&RD Block ka Dr Remika Talang kaba la long kum ka kongsan bad u samla Banteilang Sawkmie kum u symbud kongsan.
Ha kane ka sngi la sakhi ruh da ka jingdon lang ka Officer In-charge ka Bhoirymbong CHC ka Dr. D. Rymbui, ka Dr. B. Dhar, u Bah S.T Rympei Rangbah Shnong ka Lumdaitkhla, u Samla Ailong Pariat, u Samla Lumboklang Mallai, President ka Young Minds Association, u Mardondor Shadap, Vice Presdient, Kyrshanborlang Sujai, Secretary, u Bah C.L Masharing kum u Adviser lem bad kiwei kiwei ki riew rangbah.
Ha kane ka sngi ka YMA ka la sam ïa kawei ka Wheelchair sha iwei i heprit ba duna dkhotmet.
