Shillong, Nailur 03 : Ka Frank Yamaha ha kane ka sngi Balang ka la pyllait paidbah ïa ka arshaka ba thymmai kaba la tip kum ka 2025 Yamaha RayZR Fi Hybrid ha ka jingïalang kaba long ha Courtyard by Mariot, Shillong.
Ïa kine ki arshaka ba dang pynmih thymmai la pyllait paidbah da u trai jong ka Frank Yamaha Bah Indonlang Passah bad u Bah Armanki Passah ba dei u CPM jong ka.
Ki bor pynïaid ki la ïathuh ba ka Yamaha RayZR ka la dei kawei na ki kali arshaka kiba ïaid iew bha ha Meghalaya namar ki la dep ban die haduh palat 30,000 tylli haduh mynta. Ym tang katta la ïathuh ruh ba ka jingïaid iew kine ki arshaka kadei namar ka jingbiang ha baroh ki liang la ka long ha ka jingduna ka rukom bam umphniang, ka jingsting kaba pynsuk shibun ïa ki samla bad khamtam eh ïa ki kynthei.
Kumta la ong ba da ka jingwallam ïa kine ki arshaka ba thymmai ki don ïaka thong ba kan pynsuk ban pynaram shuh shuh ïa ki nongpyndonkam ha ka leit ka wan kaba man ka sngi ha ka nongbah bad ha ka jylla hi baroh kawei.
Katkum ka jingïathuh jong ki, ka dor jong kine ki arshaka ruh ka dei kaba biang bha kaban ïahap bad ka jingkotbor ki paidbah ka jylla na ka bynta ki arshaka kiba don 125cc.
