Shillong, Nailur: Kawei na ki kompeni ba pawkhmat na ka bynta ban ai jingshakri ha ki liang ka telecom, ka Vi, ka la pynmih mynta ïa ka jingshakri ba thymmai kata ka ‘Vi Priority’ na ka bynta ban ai shuh shuh ïa ka jingshakri ba kham bha na ka bynta kiba pyndonkam ïa ka jingshakri jong ki- kata kiba pyndon kam ïa ka Postpaid.
Ka jingpyllait paidbah ïa kane ka jingshakri ba thymmai ka long hadien ba ki la dep ban wad bniah bad sngewthuh ïa ka jingtreikam jong ka na ka jingpyrshang ïa kane ka rukom treikam ïa kaba la leh ha ki circle ne jylli kiba ki la jied bad pyntreikam ïa ka.
Ka Vi Priority kadei ka jingshakri kaba phai khmat bha na ka bynta ban ai ka jingsngewhun ïa ki nongpyn-donkam bad kumjuh ruh ïa ka jingshakri ba bha tam, kaba wanrah ïa ki jingtyrwa bapher bapher ban nang kham pynhun shuh shuh ïa ki nongpyn-donkam. Lah ban ïoh ïa kane ka jingshakri da kito kiba pyndonkam ïa ka Vi postpaid kiba leh da ka rental plan kaba heh, ka family plan, ki nongshong shnong ba la san, bad kito kiba pyndonkam ïa kane ka jingshakri palat ïa ka 10 snem.
Na ka liang u Abhijit Kishore, COO, Vodafone Idea Limited u ong, “Kum ka kompeni, ka jingtreikam jong ngi ka long ban ai ïa ka jingshakri ba bha tam na ka bynta ki nongpyndonkam ïa ka jingshakri jong ngi bad ka Vi priority ka dei ka mawjam ha ka jingïaid lynti sha kane ka bynta khnang ba ka jingshakri jong ngi kan long kaba bha tam.”
U la ong ruh ba ki dkhot jong ka Vi Priority kin lah ban ïoh ïa ki jingmyntoi kiba long kyrpang tang na ka bynta jong ki ba kynthup ruh ïa ka jingïoh ïa ki jingshakri ba 24×7 na ki premium call centre, ha kaba ki lah ban ïoh ïa kine ki jingshakri na ki nongtrei kiba la heh ka kyrdan, phim donkam ban ap slem ha ki Vi Store, ka rukom siew ïa ka bill ruh ka long kaba biang ïa kaba lah ban leh lyngka ka Vi App, bad lah ban ioh ïa ka jingai khublei ha ka sngi kha bad ki lyngkhuh sngi jong ki jingrakhe ba kyrpang, bad ruh ïa ka premium on-boarding. Kine ki jingmyntoi ki long kiban pynsngew tynnad bha ïa kito kiba pyndonkam ïa ka Vi.
