Pyllait ka Sorkar Pdeng ïa ki mat treikam ban bei tyngka ïa ki jaka leh test hapoh ka National Green Hydrogen Mission
![](https://mawphor.com/wp-content/themes/mawphor/images/default-thumb/publisher-lg.png)
Shillong, Naitung 06: Ka Sorkar Indïa ka la pynkhreh ïa ki mat treikam na ka bynta ka jingbei tyngka ïa ki jaka leh test, ki jingdon jingem bad ki jingai jingshakri ïa ki jaka treikam na ka bynta ka jingtei ïa ka Standards and Regulatory framework hapoh ka National Green Hydrogen Mission. Ki mat treikam jong ka skhim ki dei kiba la pynmih da ka tnad New & Renewable Energy (MNRE) ha ka 4 tarik u Naitung, 2024.
Kane ka skhim kan kyrshan ïa ka jingwad ïa ki jaka ba suda ha ki lad leh test ba la don lypa ïa ki bynta, ki teknoloji bad ki rukom treikam ha kaba ïadei bad ka Green Hydrogen &ki mar kiba mih na kane. Ka skhim kan kyrshan ïa ka jingseng ïa ki jaka leh test ba thymmai bad ka jingkyntiew ïa ki jaka leh test ba la don lypa ban pynthikna ïa ka jingtreikam kaba shngain.
Ïa ka skhim yn pyntreikam ha ka jingmang tyngka kaba T. 200 klur haduh u snem mang tyngka 2025-26.
Ka National Institute of Solar Energy (NISE) kan pyntreikam ïa ka skhim.
Ka skhim ka kynthup ïa ka jingpynbïang ïa ki jaka leh test kiba khlain bad kiba bha ban pynthikna ïa ka jingbha, ka jingïaineh bad ka jingshngain ha ka jingpynmih bad jingkhaii GH2.
Ïa ki mat treikam jong ka skhim lah ban ïoh hangne.
Ïa ka National Green Hydrogen Mission la sdang ha ka 4 tarik u Kyllalyngkot2023, ha ka jingmang tyngka kaba T. 19,744 klur haduh u snem mang tyngka 2029-30. Kane kan don bynta ha ka thong jong ka Indïa ban long Aatma Nirbhar lyngba ka bording ba khuid bad kan long ka nuksa jong ka jingkylla sha ka bording kaba khuid. Kane ka mission kan ïalam sha ka jingpynduna ïa ka jingpynmih carbon ha ki kam ka ïoh ka kot, ka jingduna ha ka jingshanïah ha ka jingshalan nabar ri ïa ki fossil fuel bad kan plié lad ïa ka Indïa ba kan long ka nongïalam ha ka teknoloji bad ka iew Green Hydrogen.