Shillong, Rymphang 10 : Ka North Eastern Councl (NEC) ka la pyllait pisa 5.69 klur tam na ka bynta ban pyndfonkam ha ki projek bapher bapher ha ka jylla Meghalaya.
Kine ki projek ki kynthup naduh ka jingshna ïa ka skul Ram Krishna Mission ha Nongjngi Nartiang, ban thied ïa ka MRI Machine ha Tura Civil Hospital, ban shna ïa ka skul Ram Krishna Mission ha Sohra bad ban pynbha ïa ka Williamson Sangma Sate Museum ha Shillong.
Nalor kane na kane ka pisa yn shna pynbha ruh ïa ka surok na nongbah Shillong shaduh Umroi ka ban ai jingmyntoi ïa kumba 10 tylli ki shnong bad ym duna ïa ka 7287 ki nongshong shnong.
Ka NEC ka pyllait pisa 81.50 klur ha baroh ki jylla kane ka thaiñ mynta u bnai Kyllalyngkot 2026. Kine baroh ki dei na ka bynta ki kam pynroi pynpar ha kane ka thaiñ. Ka NEC ka kham phai khmat sha ka jingtei ïa ki skul, ki surok, kam jngohkai pyrthei bad kumjuh ruh ban pynneh pynsah ïa ka kolshor jong ki jaidbynriew kane ka thaiñ.
