Pyllait ka NEC 4.94 klur ka pisa ban pyntrei 11 tylli ki projek ha ki jylla NE, 7 tylli tang ha Meghalaya

Shillong, Jylliew 13 : Ka North Eastern Council (NEC) kala pyllait ïa ka song pisa ba 4.94 klur tyngka ha u bnai Jymmang ban pyntrei ïa ki 11 tylli ki project ha ka thaiñ Shatei Lam Mihngi bad haduh 7 tylli ki dei kiba pyntrei ha Meghalaya.
Ka NEC ka pyntip ba 1.52 klur tynhgka la pyllait na ka kam ri sniang bad ri dohkha ha ki shnong kiba hap hapoh Umling bad Jirang C&RD Block, Ri-Bhoi.
33.97 lak tyngka la ai ban kyntiew ïa ka kamai jakpoh ha ka kam rep shynrai lyngba ki rukom rep ba janai bad ka jingstad saian bad ka jingai syrnot kum ki mar rep organic (khlem ai dawai) ha Ri-Bhoi.
62.90 lak tyngka la ai ban tei ïa ka hostel ki shynrang bad ka ïingskul ha Khongong, Wapung, East Jaintia hills, 51.90 lak tyngka ban leh survey bad tohkit ïa ka Myntdu-Leshka (stage-II) HEP (3×70 MW) East bad West Jaintia Hills District.
1.82 lak tyngka ban leh survey bad tohkit ia ka Selim HEP (2×85 MW) West Jaintia Hills, 28.80 lak tyngka – ban survey bad tohkit ïa ki kam ha ka Mawblei HEP 140 MW West Khas Hills District, bad 8 lak tyngka na ka bynta ka 7th Act East Business Show ha Shillong, Meghalaya.
Kiwei ki project ki dei kiba la pyntrei ha Tripura bad Nagaland.
ïa kine ki song pisa la pyllait kum ka jingkyrshan \ïa ki kam bapher bapher kynthup ïa ki kam jngohkai, karkhana, ka rep ka riang, ki lad pynïasoh, science & technology, irrigation, tehlakam ïa ka jingshlei um, kyntiew ïa ka kolshor bad kiwei kiwei.