Pyllait ka MCA ïa ka thup ïalehkai U-15 ki kynthei bad U-16 ki shynrang na bynta ka samoi 2025-26

Shillong, Nailar 19 : Ka Meghalaya Cricket Association ka la pyllait paidbah ïa ki kyrteng ki thei ïalehkai U-15 bad U-16 ki khynnah shynrang, kum shi bynta ka jingpynkhreh ban aireng ha ki lympung ïalehkai kiban wan jong ka BCCI kaba dei na ka bynta ka samoi ïalehkai 2025-26.
Katkum ka kyrwoh, ka jingpyllait ïa kine ki kyrteng jong ki khynnah ïalehkai ka long hadien ba la bthah bad jurip bniah ïa ki syrnot sngi kha lyngba ka Age Verification Process (AVP), ïa kaba la ïaid lyngba ruh da ka TW3 bone test, ha kaba ïa ka jingpyntikna ïa kine baroh yn sa pyntip pat ïa ka kam hadien.
Katkum ba la bthah da ka BCCI, ki player kiba ka kyrteng ka jong ki, ka la ïoh ba kan rung sha kane ka thup ïalehkai, kidei ban don lang ha ka AVP ïa ki syrnot (certificate) sngi kha, Aadhaar card, school marksheet jong ki lai snem, ka school bonafide certificate (ha ki lai snem kiba la dep) bad lada jia ba player ki la kylliang noh sha kiwei pat ki skul, donkam ban don ïa ka syrnot sngi kha, ka syrnot jingpynshisha ba don ka jingsoi bad ka muhor da ki bor pynïaid skul.
Kitei ki jingbthah haneng ki long kiba donkam bad lada ki nongïalehkai kim lah ban pynbiang ïa ki, kin nym lah ban leit sha ka test jong ka AVP.
Haba ïadei bad kane, ka MCA ka kyntu ïa ki player bad kumjuh ïa ki dkhot jong ki District Association ba kin pyntikna ba ïa ki kot ki sla ba donkam dei ban pynbiang thik pa thik ha shwa ban leit sha ka AVP, ha ka juh ka por ka MCA ka pynpaw ba baroh ki syrnot kiba donkam dei ban long ha ka dur jong ka original copy bad dei ban rah lang ha ka sngi ba pyndep ïa ka TW3 bone test.
La pyntip ruh ba yn nym pdiang satia da ki photocopy ïa ki syrnot kiba donkam.
La kyntu ruh ba na ka bynta ki jingtip kiba kham bniah lah ban leit wad na ka ophis treikam ka MCA ne na u Cricket Operations, Bah Shining Star Lyngdoh lyngba u phone number 9485098921.
U-15 kynthei : Janvi Kumari Sah, Enibisa R Marak, Lawanjingkyrmen Lyngkhoi, Charkicha Momin, Laviola L Mawlong, Aviana Myrthong, Prisceca Nongpiur, Onasa M Sangma, Ribakordor Nongsiej, Idatyngkai Marngar, Badphishyrta L Nonglait, Anuradha Gurung, Amrikchi D Shira, Jambera N Marak, Phibanylla Tongwah, Saramanbha Khongsti, Phibankheinkor Marbaniang, Mebalapynkmen Syiemlieh, Norida Marngar, Meaikyntiiaka Warjri, Haphilahun Makri, Akansa M Sangma, Ïarikmenlang Kharbteng, Darijanai Synnah, Mugdha Bhattacharjee, Aniesha Arengh, Anowesa M Marak, Nemaisa M Sangma, Cheasa K Sangma, Nishika Tamang, Ribanhun Mawlong, Dawanpynkmen Nongphud, Banchimik R Sangma
U-16 shynrang : Suraj Chettri, Keshab Shah, Panlyson Bareh, Anmol Shah, Phrangborlang Syiemlieh, Soham Shah, Gautam Paul, Prasant Kumar, Anish Kedia, I Thuh Bha Dkhar, Ryan Wilson Malngiang, Phibanaibor Ïawphniaw, Ynsanhame Tang, Rooney L Nonglait, Nobojit Chettri, Sunshine Star Nongsiej, Menang Shangpliang, Aniket Poddar, Arav Baraily, Navneet Shah, Steviericson Ïawphniaw, Generous Dkhar, Cheniang CN Marak, Raian N Marak, Nikhil Dkhar, Pynskhemlang Nongsiej, Jopshwa L Mawnai, Naitik Singhania, Daniel Maring, Wadkidamei Lapasam, Pynkhraw Jomati, Waibhami Ryngkhlem, Andrewstarfield Rani, Gilford Ïawphniaw, Sendo M Sangma, Leangku N Sangma, Ishan Saha.