Shillong, ïaïong, 11: Ki Pulit ka East Jaiñtia Hills District ha ka sngi Thohdieng ki la pyntip ba ha u bnai baladep ki nongshong shnong na ka thaiñ Khliehriat ki la pyllait im ïa iwei i khunlung ba dang san bnai ba la bret da ka kmie ha kawei ka krem dewiong ka bym pyndonkam shuh ha ka jaka ba la tip kum ka Khloo Chongwar.
La ong ba ka kmie jong i khunlung ka dei ka bym biang bha ha ka bor jingmut jingpyrkhat bad kaba sah shipor ha kawei ka jaka ha ka thaiñ Khliehriat.
Hadien ka jingwad bniah, ki Pulit ki la ïoh jingtip ba ka kmie kaba bret ïa i khun ka dei na ka shnong Nangbah ,West Jaiñtia Hills District bad kane ka la jia ha ka 8 tarik, Lber 2025.
Ki Pulit shym shym la ïoh ïa kano kano jingtip halor kane ka jingjia hynrei la shu ïohi ïa kane ka jingjia lyngba ka video kaba la sphriang ha social media.
Ïa i khunlung ba dang san bnai la lap da ki nongshong shnong ha ka por kumba 11:00 baje mynmiet ha kaba ki la rah noh mar mar ïa i khunlung sha Khliehriat Civil Hospital bad nangta pat la pynkynriah sha Civil Hospital Jowai bad hadien kata la pynkynriah pat sha NEIGRIHMS Hospital, Shillong ban ïoh ïoh ïa ka jingsumar bapaka.
Halor kane ka jingjia ki Pulit ki dang pynlong ïa ka jingtohkit kaba bniah.
