Nongpoh, Risaw 29: Ka Additional Deputy Commissioner ka Ri-Bhoi District ka kong B Ranee mynta ka sngi kala pynlait paidbah ïaki kyrteng jong ki nongthep vote (Draft Electoral Roll) jong ki 5 tylli ki Assembly Constituency ha Ri-Bhoi District ba kynthup ïaka 8-Mawhati. 9-Nongpoh, 10-Jirang, 11-Umsning bad 12-Umroi bala aiti ruh sha ki seng saiñ Hima bapher bapher ha Ri-Bhoi haka jingïalang kaba la long ha Conference Hall jong ka ophis u Deputy Commissioner.
Na ka liang ka kong BK Ranee haba kren ha katei ka sngi kala pyntip ba ka jingpynshisha ha man la ki thliew iing lyngba ki BLO la pyndep ha ka 18 tarik u Risaw 2024, ka la pyntip ba ki tarik ïalap elekshon ba kyrpang kin long ha ka 15, 16 tarik, 21 tarik bad 22 tarik Naiwieng 2024, katba ka jingpynmih ba khatduh ïa ka thup nongthep vote kan long ha ka 6 tarik u Kylla Lyngkot 2025.
Shuh shuh ka ECI ka la bthah ïa baroh ki seng saiñpyrthei ba la ithuh ban thung ïa ki Booth Level Agent ha baroh ki Polling Station bad ruh ban hikai ïa ki nongshong shnong kiba dei hok na ka bynta ban pynrung kyrteng ha ka thup kyrteng thep vote.
