Puk tur kynsan ka HANM sha Secretariat, kyntait ïa ka jingbtah ki majistor

Shillong, Naitun’g 04: Ka Hynniewtrep A’chik National Movement (HANM) ha ka sngi Nyngkong ka la pynlong ïa ka jingïakhih da kaba leit tur kynsan kynsan sha Secretariat ban dawa na ka sorkar ba ka dei ban pynurlong ïa kiba bun ki mat kiba ka seng ka dawa ryngkat ruh ban dawa na ka sorkar ba ka dei ban kyntiew noh ïa ka tulop jong ki nonghikai Adhoc ha ka jylla kiba la pynlong ïa ki prokram jingïakhih kiba la kynjoh sha ka shitaiew ha kasngi nyngkong. Ïa kane ka jingleit tur sha secretariat la ïalam da u President ka seng u Bah Lamphrang Kharbani.
Ki dkhot jong ka HANM ha kane ka jingwan tur kynsan jong ki kila phiah ha ki ar kynhun ha kaba kawei ka kynhun ka wan ïaid na ki thain Keating Road bad kiew pat na ka surok kaba mih ha syndah ka ophis MePDCL kaba don marpyrshah bad ka Secretariat bad kawei pat ka kynhun kaba shong da ka bos kaba kamai sha ïew bad ki hiar mar sien poi ha khmat Secretariat kine ki dkhot jong ka HANM marsien poi ha khmat ka Secretariat ki la sei ïa ki lama bad ki Placard da ka jingthmu ban leit rung sha Secretariat hynrei namar ka jingsted ki pulit bad ki nongap phara ban khang noh ïa ka khyrdop Secretariat, ki dkhot jong ka HANM kim shem la ïoh lad satia ban tur shapoh Secretariat, hynrei ki la shu jingpyrta jam ha khmat ka khyrdop ba ka sorkar ba ka dei ka dei ban kyntiew noh ïa ka tulop ki nonghikai, ban pynïoh noh ïa ka ILP, ban pynurlong noh ïa ka jingdawa ba ka ktien Khasi kan rung ha ka khyrnit ba phra ka riti synshar ka ri, ban pynbeit ïa u pud u sam bad ka jylla Assam khlem da ïa peiñ ïa ka khyndew ka shyiap, ban weng ïa kiba sah be-aiñ
Haba kren sha ki lad pathai khubor u Bah Lamphrang u la ong ba kane ka jingwan tur jong ki dkhot ka HANM ki dei tang ki tnad barit eh jong u metbah bad u la byrngem ruh ba lada ka sorkar kam kyntiew ïa ka tulop jong ki nonghikai ka seng kan sa wan tur biang ha kano ma kano ka por ha ryngkat ki dkhot jong ka na kiwei pat ki shnat ka seng kiba don ha kylleng ka jylla. Shuh shuh u la ong ruh ba kane ka ka sienjam kaba ka seng ka shim ka dei ban pynkynmaw ïa ka sorkar ba ka dei ban pynurlong ïa ki mat kiba ka jaidbynriew ka angnud ym tang ban shu pynbieit ïa u paidbah ha ka por ilekshon
Hadien ba ki dkhot jong ka HANM ki la wantur ban pyrta shla ba ka sorkar kan kyntiew ïa ka tulop ki nonghikai bad ki jingpynrem ïa ka sorkar namar ki jingbymlah jong ka ban pynurlong ia kino kino ki mat kiba ka seng ka dawa bad marku mta hi na ka liang ki pulit bad ki majistor bthah ba ki dei ban kynriah noh na kane ka jaka namar ka don ka jingpynjari ïa ka kyndon 144 CrPC hynrei ki la pyneh beit triang hynrei dei tad hadien ba ki nongïalam ka FASTOM ki la wan ban ïakren ban kyrpad ba ki dkhot ka HANM kin ai jingïatreilang da kaba ailad ba ka jingïalang ka kynhun myntri kan ïaid shuwa bad ban ap ïa ka rai kaban mih na ka bynta ki nonghiaki bad dei ha kane ka por ba na ka liang ki dkhot ka HANM ki la mynjur bad kynriah noh sha ka jaka ba ki nonghikai ki pynlong jingïakhih ha jaka pynieng kali kaba don ha syndah ka Additional Secretariat ban ïa shong lang bad ki nonghikai kiba don ha kane ka jaka.