Prong ki runar ha ki dukan, tuh ki tiar ba shongdor T. 3.1 lak

Shillong, Nailur 27: U Bah Aibanrikupar Syiemlieh u la phah ka jingujor ba ha u bnai Nailar, 2025, ki runar bym lah ban ithuh ki la prong ha kiba bun tylli ki dukan kiba don ha ka shnong Kynshi-Mawlangren bad ka shnong Umjei (EWKH) bad ki la tuh ïa shibun ki tiar kiba shongdor T. 3.1 lak.
Ha kawei pat ka jingjia, kawei ka longkmie kaba sah ha kawei ka shnong ha Sor Tura (WGH) ka la phah ka jingujor pyrshah ïa uwei nongpyndonkam Facebook ba u la thok ïa ka da ka pisa T. 3,750/-, da kaba ai daw ban ïarap ïa ka ban pynïoh ïa ka ram kaba T. 1.5 lak.