Nongstoiñ, Jylliew 24: Kawei ka dukan die jaiñ kaba don ha ïew Nongstoiñ kaba ha ki laiñ die doh, ka la shah pied ha ki nongtuh bad la suba ba katei ka jjngjia ka la jia ha ka miet jong ka 22 tarik u Jylliew 2024. Katei ka dukan ka dei jong u bah Khlanding Jyrwa bad ka kong Birislinda Khardewsaw kiba shong ba sah ha Tiehbah.
Katkum ka jingïathuh jong kitei ki shi kurim la ong ba ha ka por mynsngi katba ki dang don hapoh ïingmane, la wan poi ka phone call na uwei u nongkit daju u ba ju sah ha ïew bad haba wan mar mar ban jurip, la shem ba ka dukan ka la shah kad na ki bynta ba shadien.
La ong ba ki jaiñ bad ki shatri kiba kham rem dor baroh, ki la shah tuh lut bad la shu antad ba ki tiar baroh kiba la shah tuh ki la kynjoh sha ki 60 hajar shaneng.
La ong shuh shuh ba utei u daju u la lap nyngkong katba u dang leit thad ïa ki jaiñ phong, hadien ba u la dep wan sum ha kaba ki dak ki shin ki pynithuh ïa u ba la shah pied ka dukan kumta u la pyntip noh mar mar sha ki trai.
