Nongpoh, Nailur, 12: Ha ka step phyrngab jong ka sngi Nyngkong, ka kynhun ki riew runar, ki la leit ban kyndang bad prong jubor ïa ka ophis ICDS ha shnong Umbir bad ha katei ka jingleit kyndang jubor jong ki, ki la ioh ban tuh ïa 4 tylli ki Battery Inverter bad haba khein kyllum ki la kot lak tyngka.
Haba ïadei bad katei ka jingshah rongtuh ki Battery na ophis ICDS ha Umbir, ki briew shnong, ki la pynpaw ba ka la dei ka jingduhnong kaba khraw eh hapoh katei ka ophis bad ïa ka shnong ruh kumjuh, namar la thied khnang ïa ka Inverter lem bad ki Battery hapoh katei ka ophis ICDS, ka long ba kin lah bna treikam wat ha ka por ba lip ka bording.
Halor katei ka jingshah rongtuh ki Battery na katei ka ophis ICDS, na ka liang ka shnong, ka la dep ban ujor ejahar sha Umiam Police Station, khnang ba ki Pulit kin pynlong ïa ka jingtohkit bad ban lap ïa ki runar kiba la donkti ha katei ka kam tuh bad prong jubor ïa katei ka ophis ICDS.
