Pra lyngkhot lyngkhai ka trok khleh dewbilat ba leit tynrah ïa ka kynroh ha Lai Mer

Shillong, Iaiong 5: Kawei ka trok khleh dewbilat ka la pra phom lyngkhot lyngkhai hadien ba ka la leit ban tynrah ïa ka kynroh ha Lai Mer Upper Shillong, kane ka trok ka dang wan hiar na ki thaiñ Saw Mer bad da poi khongdong ka la leit tynrah ïa ka kynroh.
Kumba ka paw u nongñiah ïa kane katei ka trok um lah shuh ban teh lakam bad la leit ban tynrah ïa ka kynroh bad ka kali kala pra phom, ïa ka number jong ka kali ym lah ban tip namar la dep ban weng hadien ba ka la leit ban tynrah ïa ka kynroh.
Haba ïadei bad u nongñiah kane ka trok ym shym la lah ban tip la u la mynsaw ne kumno namar ym shym la don shuh ha kane ka jaka bad kaba don dei sa tang ka trok kaba khlem pat tan ïa ka namar ka dang don ha katei ka surok Lai Mer.
Kumba ka long ïa kane ka surok naduh Umshyrpi haduh Pomlum Sadew ka jingshna ïa ka surok ban ïaid saw tylli ki kali ha kajuh ka por la jan dep bad kaba sah mynta ka long sa tang ban pynbha ïa kiba duna bad ka jingñiah kali ki briew ruh ki la pynher sted bha namar ka surok ruh ka la bha mynta.