Shillong, Risaw, 11: Ka ktem jong ka seng Congress ka la pra phum hadien ba ki nongkitkam ki la resaiñ bad iehnoh ïa ka jinglong dkhot hapoh ka party naduh ka 8 tarik, Risaw, 2024.
Ha ka shithi iehnohkam ba la soi da u President jong ka South Shillong Block Congress Committee u Bah Rustam Thabah ba la phah sha u President jong ka Meghalaya Pradesh Congress Committee (MPCC) la ong, “ngi kwah ban pyntip sha phi ba ka thup kyrteng ba la mynjur ïa ki nongkitkam jong ka 19-South Shillong Block Congress Committee kaba 11 tarik, Rymphang, 2023 lyngba ka shithi pynskhem MPCC/FC/1/23/2, ngi pyntip ba ngim kwah shuh ban dang long ki dkhot jong ka party naduh kane ka sngi.”
“Ngim don daw shimet ïa ka party bad ngi kyrmen ba ka party kan nang ïaid shakhmat ha ki sngi ban dang wan,” la ong shuh shuh u Bah Thabah.
