Shillong, Iaiong 5: Hynnin ka miet ha ka por kumba 9 baje ei ei kawei ka ïing ka la pluh ha Laban jan Last Stop. Kane ka dei ka ïing jah kaba ym don ba sah ka dei ka ïing Assam Type bad la ïathuh ba u ba sah khatduh ha kane ka ïing la khot sin ïa u kum u Kabul.
Kiba sah marjan ha kane ka jaka ba pluh ka iing ki la ïathuh ba kim da tip bha ïa trai ïing namar la slem ym don ba sah trai ha kane ka ïing bad u ba sah khatduh ha kane ka ïing u dei u ba la sin kyrteng kum u Kabul.
La ïathuh ba ka jingpluh kane ka ïing ym don satia ba tip hynrei ki marjan ki kyndit tang ynda ka ding ka la klang bad da ka jingkloi ban poi ki kali pynlip ding la lah ban tem ïa ka na ka ba pur sha ki ïing ba marjan.
