Jowai, Naiwieng 24: U Symbud Myntri Rangbah ka sorkar jylla u ma Sniawbhalang Dhar ha kane ka sngi saitjaiñ 22 tarik u Naiwieng ula plie paidbah ïaka ‘Pdeng Mukhim Tourist Sports Wahiajer Cum Festival’ bala pynlong da ka Wahiajer Tourism Development Society.
Ha kane ka sngi la wan synran lang ïa u Symbud Myntri daka kong S.D Shylla kaba dei ka District Tourism Officer WJHD, u bah Paul Synnah SE ka thad PHE Electrical, u Waheh Shnong ma S. Laloo uba la aiti ruh ïa ka Memorandum, ki MDC, ki ophisar bad ki paidbah kiba wan sakhi lang.
U ma Sniawbhalang Dhar ula ong ïa kane ka jaka yn ithuh noh da ka sorkar kum kawei na ki jaka jngohkai pyrthei bad kum MLA ka thaiñ ula thrang ban pynkylla dur ïaka naduh ka snem 2018 bad mynta kala urlong.
U Synbud Myntri Rangbah haba ai jingkren ula pynsngew ïa ki kam pynroi kiba ula wanrah hapoh ka Constituency, u ong ka jingwanrah ïa ki tamasa shapoh ka jylla kan ïarap ïa ki nongshong shnong ban pynkiew ïa ka khaïi ka pateng.
Ula kitbok kitrwiang ba kane ka tamasa kaba la pynlong ha katei ka sngi kan long kaba ïoh nong na ka bynta ka shnong, da kaba ong kum u MLA ka thaiñ u kwah ban leh ïa kaba bha tam bad kaba donkam ban don kawei ka jingmut.
