Shillong, Nohprah 16: U President jong ka Meghalaya Football Association (MFA), Bah Hamlet Dohling ha ka sngi Nyngkong u la leit ban plie pyrda ia ka lympung ialehkai jong ka Ranikor Civil Sub-Division Sports Association ha ka jingialehkai First Division bad kumjuh ha ka Second Division Football League 2024 – 25.
Haba kren ha kane ka sngi u Bah Hamlet ula pynpaw ia ka jingkyrmen ba lyngba kane ka lympung ki khmih lynti ba kan long ka rynsan na bynta ki samla na ka thaiñ ba kin sei pyrthei ia ka sap ialehkai kaba ki don.
U ong ruh ba na ka liang ka MFA kan iai don ryngkat bad kyrshan ia katei ka synjuk kaba don ia ka thong ban kyntiew ia ka phutbol ha ka thain baroh kawei.
