Nongpoh, Naiwieng 24: U MLA ka Nongpoh u Bah Mayral Born Syiem mynta ka sngi u la leit ban plie ïaka ïing Dorbar ba paka jong ka shnong Umlyngkdait ïa kaba la tei lyngba ka skhim SRWP bad MGNREGA haka jinglut kumba 5 lakh tam hadien ba ki paidbah jong katei ka shnong kim don ïing Dorbar ba paka mynta la bun snem.
La sakhi ruh ha katei ka sngi da ka jingdonlang u Bah Balajied Ranee MDC, u Bah Neverless Makdoh Rangbah shnong, ki seng samla ki longkmie jong katei ka shnong.
Naka liang u Bah Mayral Born Syiem haba kren ha katei ka sngi kum u kongsan u la pynpaw ka jingsngewkmen kaba khraw ban iohi ba katei ka shnong kala nang kiew shaphrang haki kam pynroi bad khamtam ba ka jingkhmih lynti jong ki paidbah ban ioh noh ka ïing Dorbar ba paka kala urlong naka bynta ka jingdonkam jong ka shnong.
Kum u nongmihkhmat ka thaiñ u la ong ruh ba katei kam dei ka jingkut hynrei shibun ki kam pynroi kin dang wan ha katei ka shnong kumba katei ka shnong ka dang donkam shibun ki jingïarap bad kum u MLA un dang shikhia ban buddien ïaki jingdonkam jong ki paidbah bad kyrpad ruh naduh ki nongïalam shnong ba kin ai ka jingïatreilang naka bynta ka jingkiew shaphrang bad ka roi ka par jong ka shnong.
Ha katei ka juh ka sngi naka liang ka shnong Umlyngkdait kala pynkup burom ruh ïaki khynnah ba pass bha haka HSSLC bad SSLC, ki nongïalehkai sports, ki ba dunka dkhot met, ki nongïalam shnong ba nyngkong tam jong katei ka shnong, ki nongïakhun ïaka khlam Covid 19 bad ki riew tymmen jong katei ka shnong.
