Nongpoh, Nailar 31: Ha ka jingrakhe ka Rasong Village Organization kaba la ïaid lynti la ar snem kynthih ban shakri hapoh aktei ka shnong Umryngksai, u MLA ka Nongpoh, u Bah Mayral Born Syiem nalor ka jingrakhe ïa kane ka jingïaid lynti ba ar snem kane ka seng la ioh ruh ban plie paidbah ïa ka ophis treikam katei ka Rasong Village Organization.
Ha kane ka sngi nalor ka jingdon u MLA ka Nongpoh, u Bah Mayral Born Syiem kum u kongsan bad la sakhi lang ruh ha kane ka sngi da ka jingdon lang u MDC ka Nongpoh, u Bah Balajied Rani, u Bah K. Kharshandi, Rangbah Shnong ka Umryngksai bad kynthup ruh ki nongïalam katei ka Rasong Village organization.
Lyngba jong kane ka sngi, u MDC ka Nongpoh, u Bah Balajied Rani kum ka jingkyrshan lang ïa kane ka Rasong Village Organization u la ati ruh da ki shuki shi bynta ban pynsuk ïa kane ka seng ba kan dang lah ban pyntyllun ïa ki kam shakri na ka bynta ka bha ka miat jong katei ka shnong.
Haba kren ha kane ka sngi kum u kongsan, u Bah Mayral Born Syiem, MLA ka Nongpoh u la pynpaw ka jignkmen ban ïa don bynta lang bad kine ki Longkmie ban rakhe ïa kane ka jingdap 2 snem kane ka seng bad khamtam ba la lah ban plie paidbah ïa kane ka ophis treikam jong kane ka seng/
Kum u nongmihkhmat paidbah na Nongpoh, u Bah Mayral Born Syiem u la ai mynsiem ruh ïa ki nongïalam bad ki dkhot kane ka Rasong Village Organization ba kin dang ïaid shaphrang ha ka jingshakri, namar ki Longkmie ruh ki don ka bynta kaba khraw ban trei na ka bynta ka bha ka miat bad ka roi ka par jong ka imlang ka sahlang, u la bynrap.
Ha kane ka sngi, la pynphuh pynphieng ruh ïa kane ka prokram lehkmenCaption: U B da ki prokram lehkmen bapher bapher ba la shim bynta da ki Longkmie jong kane ka Rasong Village Organization.
