Shillong, Naiwieng : U MLA ka Mawlai u Bah PT Sawkmie ha ka sngi Balang ba la lah u la plie ïa ka Smart Class bad Computor Room jong ka Christ Church Morning School, Mawlai Syllaikariah ha ka jingdon ryngkat bah Alexander Syiem, president ka managing committee, u headmaster bah B. Lyngdoh, ki nonghikai, ki khynnah skul bad kiwei kiwei.
Haba ai jingkren u Bah PT Sawkmie u la pynpaw ka jingsngewkmen ba ka skul Christ Church ka ïohïa kane ka smart class bad computer room kaba ki la angnud la slem bah.
Kumta u la kyntu ïa ki khynnah ban trei shitom bad ban pyndonkam hok ïa kane ka smart class kaban kyntiew ïa ka lawei jong ki. U la pyrto ruh lymda dei na ka sponsoring body ne ki riewngeit jong ka Balang kiba kyrshan ïa ka skul kan ym long kumne kumba ka long mynta.
Nalor kata u la pynpaw ruh ka jingsngewnguh ba ka skul ka la khot sngewbha ïa u ba un don bynta lang ha kane ka jingplie ïa ka smart class.
Ha kane ka sngi la ïoh ruh ka jingkren na u president ka managing committee u bah A. Syiem bad la sdang bad pynkut ïa ka prokram da ka jingduwai.
Kiba la ai jingkren ha kane ka sngi ki la kitbok ruh ïa u Bah PT Sawkmie ba un wanphai biang kum u MLA hadien ka ilekshon 2023.
