Jowai, Risaw 18 : Ïa ka ophis treikam jong ka Mukhla Nongrim Village Organistion (VO) la plie paidbah hynnin ka sngi 17/10/2025 da u MLA ka thaiñ u ma Wailadmiki Shylla uba long ruh u myntri ka sorkar jylla ba peit ïa ka tnad ka koit ka khiah, ka Sports bad kiwei de.
Ha kane ka sngi ha shwa ban plie la don ka jingïalang bala pynïaid da ka President VO Mukhla Nongrim ka kong Marlang Sumer, haka jingdonlang u Dr. Heimonmi Niang BDO Thadlaskeiñ C& RD Block, u ma Rolling Star Shadap District Project Mission Manager West Jaiñtia Hills Distrtrict, u Wh. Martu Sari, u Waheh Shnong Dorbar Shnong Mukhla Mission u Wh. La-arwanki Ryngkhlem u Waheh Shnong Dorbar Shnong Mukhla Shohshrieh u Wh. Airforce Suna rangkat u Waheh Shnong, Secretary Shnong, Chairman Shnong Mukhla Nongrim, ki dkhot ka Dorbar Chnong, ki dkhot VO bad ki 28 tylli ki Self Help Group (SHG).
Naka liang ka VO Mukhla Nongrim bad ka Mukhla Nongrim Sport Club kila pynkup burom kumjuh ïa u Minister ha ryngkat u Dr. Heimonmi Niang BDO, U Rolling Star Shadap DPMM, ïa ka Lubarda Pohtam ka Cluster Coordinator Nangbah Cluster Thadlaskeiñ Block, ïa u Martu Sari, u Buhlut Suna Waheh Shnong Nongrim, u Standbyme Sari General Secretary Dorbar Shnong Mukhla Nongrim, u Teng Sari Chairman Shnong, u Hammut Sari Treasurer ka Shnong, u Muhon Sari Asst. Waheh Shnong Mukhla Nongrim. Shuh shuh la pynkup burom ïa ki nongkitkam ba rim ka Mukhla Nongrim Village Organistion kymthup ïa ka kong Kret Suna President ba rim bad ka Roseme Sari Secretary barim.
La pyntip ïa kane ka office treikam ka VO la shna da ka pisa kaba la ïoh pynmih na ka Fete bala pynlong manla u snem bad kumjuh ruh da ka jingïarap pisa u MLA ma Wailadmiki Shylla, ïa kane ka Mukhla Nongrim Village Organisation la seng ïa ka haka 08/10/2019 bad mynta kala dap 6 snem ka jingïaid lynti.
