Shillong, Naitung 17 : U Bah Sanbor Shullai Myntri ka tnad Arts and Culture, Veterinary & Animals Husbandry bad MLA jongka South Shillong Constituency u la plie paidbah ïa ka ïew Municipal Organic bad Dorbar Hall jongka Dorbar Shnong Lumshatsngi Kench’s Trace kaba la ïoh mang pisa na ka 13th Finance Commission haduh 4.41 klur hadien ba la buddien da u bah Sanbor hi ïa katei ka skhim.
ïa ka prokram ban pynphuh pynphieng ïa kane ka sngi la pynlong da ka MCIC bad Dorbar Shnong hi ha ka 16.7.2022. La pynïaid ïa ka jingïalang da u Rangbah Shnong bah Kyrsoi Bok Nongbri bad ryngkat bad u bah Venus Pamthied uba dei u Secretary Shnong. La pynphuh pynphieng shuh shuh da ki jingshad tyngrai j9ongka Lawei Baphyrnai Khasi Traditional Dace Group jongka Ri Raid Laban. Hadien kane la pynkup burom ïa ki nongshah khot sngewbha da i kong Coweeta Basaiawmoit President bad Kong Deigratia Nongkhlaw Secretary Seng Kynthei Lumshatsngi Kench’s Trace.
Ha kane ka sngi la ïadon lang ruh ki nongmihkhmat na ka tnad Urban Affairs, Municipal Board, KHADC, Syiem ka Hima Mylliem, Raid Laban Dorbar ki seng kynthei bad ki paid nongshong shnong katei ka jaka.
Baroh ki nongkren kila ai ka jingïaroh ïaka jinglah jong u MLA ban leit bud dien ïa kane ka skhim kaba wanrah ka roi ka par hapoh ka Constituency hi. Haba kren u bah Sanbor u la kyntu ban don ka mynsiem jingïaieit, jingïalong kawei bad ym dei ban don ka jingsngew ïapher jaidbynriew ne niam. La ai ïa ka jingkren ai khublei da u bah Herbert Syiem Asst. Secreetary ka Dorbar Shnong Lumshatsngi.
