Mawkyrwat, Ïaïong 05: U Arkit Malngiang, Functional Manager jong ka ophis District Commerce & Industries Centre (DCIC), South West Khasi Hills District kum u la plie paidbah ïa kawei ka ïing basa ne ka Homestay kaba la ai kyrteng ka “Evening Homestay” kaba don ha Shnong Jakrem, South West Khasi Hills District.
Kane ka “Evening Homestay” ka dei jong u bah Eveningstar Kharlyngdoh na ka shnong Jakrem ha kaba la shna ïa kane ha ka jingmang pisa kaba 10 lak tyngka lyngba ka skhim Prime Minister’s Employment Generation Programme (PMEGP) napoh ka ophis jong ka District Commerce & Industries Centre (DCIC), South West Khasi Hills District bad na ka Tourism Office, South West Khasi Hills District.
Ha kane ka “Evening Homestay” ki don ar tylli ki kamra thiah kiba la biang ruh ki jaka leit shabar, bad jaka sum bad ka don ruh ïa ka kamra shet bad kamra bam.
Kino kino kiba kwah ban wan sah miet, ki lah ban ai jingpyntip lypa da kaba kin phun ha u +91-8787893481.
Kiba la ïadonlang ha kane ka sngi ki long u bah Tourism Officer jong ka South West Khasi Hills District, u bah L. Kharpomtiah, u bah Eveningstar Kharlyngdoh uba dei u trai jong ka Evening Homestay, u bah P. Wahlang, Myntri Shnong Jakrem, lem bad kiwei de kiba la shah khot sngewbha.
