Plie ka CRC Shg. ïa ka website ban ai jingtip shaphang ki kam, ka jingdon ki tiar na ka bynta kiba duna dkhot met
Shillong, Nohprah: Ka Composite Regional Centre for Skill Development, Rehabilitation & Empowerment of Persons with Disabilities (Divyangjan),CRC-Shillongka la plie ïa la ka website – http://crcshillong.nic.in ban ai jingtip bapher bapher ki ban ïarap ïa ki briew kiba don jingdunaha ki dkhot met bad ruh ka imlang sahlang baroh kawei.
U Myntri ba dei khmih ïa ka tnat Social Welfare jong ka Sorkar Meghalaya, uBah KyrmenShylla, ha ka 3 tarik u Nohprah u la plie ïa ka website jong ka CRC-Shillong hapoh ka jingpynïaid jong ka NIEPMD Chennai, ka tnat Empowerment of Persons with Disabilities. Ka jingplie ïa kane ka website ka long kum ka dak jong ka jingrakhe ïa ka “International Day for Persons with Disabilities.”
Kane ka website kan ïarap ïa kane ka kynhun ba kan pynsaphriang jingtip shaphang ki kam jong ka ha kaba ïadei bad ki jingai jingsumar bad kiwei kiwei ki kam kiba ïadei bad ka jingai jintip,ki kam CBR, ki jingai jinghikai, ka jingdon ki tiar, ki khana shaphang ki jingjop bad kiwei kiwei. ïa kane ka website lah ban pyndonkam da kito kiba don jingdunaha ki dkhot met, ki kmie ki kpa jong ki, kito kiba trei ha ki kam kiba ïadei bad ki briew kiba don jingdunaha ki dkhot met bad ruh ki samla pule.
Ha ka jingai jingkren jong u, u Bah Shylla u la ai jingïaroh ïa ka jingtrei jong ka CRC-Shillong bad ki mawmer ba la kot haduh mynta. U la batai shaphang ki jingai jingshakri jong kane ka kynhun ha kane ka jylla.
U Director NIEPMD, Chennai, Dr. Nachiketa Rout, uba la ïa donlang ha kane ka sngi u la kren shaphang ka ‘Northeast Flagship Programme’ na ka bynta kito kiba trei ha kine ki kam (CBRW, MRW, nongtrei Asha&Anganwadi) ha Meghalaya ha ka jingïatreilang bad ka jingkyrshan jong ka Sorkar jylla.
Nalor kata u la ban jur halor ka jingdonkam ban don shuh shuh kum kine ki jingïatreilang bad ka jylla bad u la pynpaw ka jingsngewnguh ïa ka Sabrella B. Marak, MCS, Commissioner for Persons with Disabilities. Lyngba kane ka website u la ong ba u kwah ïa ka CRC- Shillong ba kan wan shakhmat bad ban ïakren bad ki briew kiba don jingduna ha ki dkhot met na ki ri bapher bapher.
Kumjuh na ka liang u Officer In-Charge, Ram Shakal Sahani u la mihkhmat na ka CRC- Shillong ban ai jingkren sha kiba wan ïashim bynta ha kane ka jingïalang kumjuh na ka bynta ki briew kiba don jingduna ha ki dkhot met kiba la wan ïashim bynta ha kane ka prokram.
Ha kane ka sngi, ka CRC-Shillong ka la sam ïa ki tiar hapoh ka shim ADIP – 2 tylli ki Rollator, 1 ka CP Chair, 2 tylli ki TLM kit, 1 ka Braille Kit, 4 tylli ki magnifier, 1 ka Puzzle bad 3 tylli ki Hearing Aid.