Shillong, Ïaiong 17: Ka Tnad Meghalaya Police kala kyntu ïa ki riew paidbah ba kin phikir bha namar ka jingmih jong ki riewshukor kiba kam ïalade kum ki Heh Ophisar ban kamai pisa.
Kat kum ka Superintendent of Police (CID) Supriya Das, IPS, ka Tnad Pulit kala ïoh jingtip ïa ka jingdon jong ki briew kiba lum jingtip ïa ki jaka treikam bad ki nongtrei jong ki na ki kor Internet kynthup ïa ki Heh Ophisar khnang ba kin ïoh ak ïalade kum ki Heh Ophisar ban ïoh thok pisa.
Kine ki briew ki ju phah ïa ki email/message sha ki nongtrei ba rit kyrdan bad phah thied ïa ki amazon e-gift card na ka bynta jong u bad phah ïa kine ki card lyngba ka whatsapp ne email.
Kane ka Heh Pulit ka ong ba ki paidbah ki dei ban husiar bha ban nym ngop ha kine ki email ne whatsapp message bad ki dei ruh ban da pynthikna shuwa hashuwa ban pynlut pisa haba thied ïa kine ki card nalor ban ai jingtip marmar sha ki Thanad Pulit ba marjan ne sha ka Cyber Crime Wing ba ka leh eiei.
