Mairang, Nailur, 6: U Superintendent of Police ka Eastern West Khasi Hills u la pyntip ba ha ka 17 tarik u bnai Nailar, u la ïoh ïa ka jingujor na uwei u rangbah na kawei ka shnong kaba hap hapoh ka Mairang Eastern West Khasi Hills District, ba ha ka 15 tarik u Nailar 2022 ha ka por kumba 7:00 baje mynmiet ka khun jong u kaba dang 15 snem karta, ka la shah batbor ha uwei u briew uba dei hi na kajuh ka shnong kaba hap hapoh ka Mairang Eastern West Khasi Hills District.
Ha kaba ïadei bad kane ka jingjia, ki Pulit ki la register case pyrshah ïa une u runar bad ha ka jingtohkit bad thwet, la lap pynban ba u ladep ban phet bad jah rngai bad ki Pulit ki dang pynlong ïa ka thwet kaba jur mynta ban lap dien ïa une u runar.
Kumta, la kyrpad ba lada don mano mano ba ïohi ne tip ki lah ban pyntip ha ki Police Station jong ka Jylla ne ki Jylla ba marjan, ban phone ha u number 919366115320 OC Mairang, 96122109900 IO lane email sha E-mail sp.mairang-ewkh@meghalaya.gov.in.
