Jowai, Nailur 05 : Ka seng JSU mynta ka sngi ka lah ai daka jingthoh sha ka myntri ka sorkar jylla ka kong Amapreen Lyngdoh ban dawa pyndam ïaka kyrteng uwei na ki bar jylla u ba pyndonkam bakla ïaka syrnot shnong ban ïoh pule MBBS na ka State Quota bad na ka liang ka mYntri kala kular ban shim khia ïa kane ka jing ujor ka seng .
Ka seng ka la shem ba don uwei na kiba ïoh bhah kyrpang haka leit pule MBBS na State Quota ka jylla Meghalaya bad na liang ka seng ka lap ba une u briew u la pyndonkam bakla ban ïoh myntoi shimet ban ïoh leit pule MBBS daka quota seat ka sorkar jylla khlem ka jinglut jingsep na lade.
Ka seng ka lap ruh ba une khynnah pule u dei u bar jylla u pyndonkam ïaka syrnot shong shnong ka shnong Thangskai kaba don ha East Jaiñtia bad ki kmie ki kpa une u khynnah dei kiba trei hapoh Cement plant Company bad ka shnong ka lah ai syrnot nongshong shnong tang hynriew bnai.
Na liang ka seng ka la ïoh ban ïakren bad u Waheh Chnong Thangskai u ma Phai Syrti bad u lah kubur ba kadei ka jingpyndon kam bakla ïaka syrnot shnong bad na ka liang ka seng ka la dawa ba dei ban pynduh pyndam ïakane ka syrnot bad ka shnong ka hap leh ïakaba donkam ban lait na ka jingpyndonkam bakla ki bar jylla ïakane ka syrnot.
Ka seng JSU ka la dawa na ki bor bahalor kiba dei peit ïaka tnat leit pule MBBS bad kiwei kiwei ki jingpule ba ki dei ban peit bniah ïaki kot ki sla kiba apply ban lait na ka jingpyndonkam bakla ïaki syrnot Tribal bad nongshong shnong.
