Shillong Jylliew, 10: U Lat ka Jylla u Satya Pal Malik u la ïoh pdiang ïa ka shithi na u Comptroller and Auditor General (CAG) ka ri India ha ka sngi Balang ha kaba ïadei bad ka jingbym phah ïa ki Account da ki Autonomous District Councils (ADC) ha kine ki khyndiat snem bad ka jingbym rah ïatai ïa ki kaiphod hapoh ka Ingdorbar Thawaiñ ba la ai da u CAG sha ki Autonomous District District Councils.
Katkum u kyrwoh ba la phah da u Commissioner & Secretary jong u Lat ka Jylla na Raj Bhavan, Shillong u la pyntip ba u Lat u la ïakren ïa kane ka kam bad u Myntri Rangbah ka Jylla u Conrad Kongkal Sangma ha ka sngi Palei bad hadien ka jingïakren lyngba ka telephone, la phah ruh ïa ka shithi ban kyntu ïa u Myntri Rangbah ba un bthah ïa ka Khasi, Jaiñtia bad Garo Hills Autonomous District Council ba kin pynkhreh ïa ki Accounts ban phah sha ka ophis u CAG..
U Lat ka Jylla u la ïaiban ba lada donkam bad lyngba ka jingïakren bad u Myntri Rnagbah, dei ban thung ruh ïa ka jingtohkit halor ka jingdkoh jong ki District Councils lada kim pynsngap ïa ka jingbthah jong u Myntri Rangbah.
