Jowai, Nohprah 21: Ki bor pynïaid District lyngba u Executive Magistrate & Border Magistrate West Jaiñtia Hills District ula phah pynsangeh shwa ïaka jingïakhun Final jong ka lympung ‘Super Division Football Tournament– 2025’ bala pynïaid daka West Jaiñtia District Sports Association, (WJDSA).
Ïa kane ka jingïakhun Final la thmu ban pynlong la shai ka sngi ha ka 23 tarik u Nohprah 2025 (sngi Ba-ar), ban ïakhun hapdeng ka Khimusniang SC pyrshah ïaka Ladthadlaboh SC haka por 12 baje shiteng sngi.
Kane ka hukum kala bthah ïa ka WJDSA ba kim dei ban pynkheiñ ïa kane ka rai bala pynmih kaba long katkum ki kyndon aiñ jong ka bor District.
Shuh shuh la pyntip katkum ka rai jong ka jingïalang haka 17 tarik la ïakren halor ka jingshah Sospon ki rangïalehkai ka Demthring bad ki Official jong ka, hadien ka jingshah rem haka Khimusniang SC da 2-1 kol haka jingïakhun Semi Final- 1 Qualifier haka 05 tarik u Nohprah da kaba kynnoh ba ka dei na ka jingshah shilliang u Referee kaba la pynmih ka jingklumar ha madan.
