Shillong, Naiwieng 26: Ka North East India Fellowship of Charismatic Churches (NEIFCC) ka phah ïa u kyrwoh sngewlem sha ki paid nongshong shnong ka Mukroh hadien ba ka don ka jingduhei san ngut ki mynsiem briew ha ka ktang suloi ki pulit Assam ha ka 22 tarik mynta u bnai.
“Ngi pynremjur ïa kaei kaba la jia bad ngi phah ïa ka kyrwoh sngewlem sha kiba ha ïing hasem kiba duh la kiba ieid ba thoiñ bad ki nonshong shnong kiba duh la ki para shnong. Ngi duwai ruh sha u Blei ba un syrpid syrpai ïa ka jingpang mynsiem jong ki bad ba ka shong suk shong saiñ kan wan noh ha ka jylla” ong ka kyrwoh na u Apostle R R Khongkrom
