Jowai, Nailar 02: Ka All Hynñiewtrep People United Front (AHPUF), kala phah da ka shithi ban pynkynriah kam noh ïa u Branch Manager (BM) jong ka Meghalaya Rural Bank (MRB) Mihmytdu, ka daw jingphah dawa ka seng ban kynriah kam ïa utei u Manager ka long ba u dei uba na bar jylla, ha kaba bun ki paidbah ki la ujor sha ka seng ba kim juh sngewthuh sngewthaw ban ïakren ïa khana bad u, namar um sngewthuh ban ïa kren da ka ktien Pnar ne Khasi, nalor kata u long briew uba sarong bad u bym tip ban burom ïa kiba wan donkam ha katei ka Bank.
Kumta na ka liang kiba bun hi ki briew ki la dawa ba dei ban kynriah noh ïa kum une u briew ban long u Manager ha katei ka Bank ha Mihmyntdu Branch.
Katba na ka liang utei u General Manager jong ka Meghalaya Rural Bank u la phone ruh sha u President ka AHPUF ban ïakren, hynrei na ka liang ka seng ka la kyrpad beit na u General Manager ka Meghalaya Rural Bank, ba dei ban kynriah noh ïa utei u Banch Manager ka MRB Mihmyntdu bad phah noh da uwei uba dei u Khasi ne Pnar, khnang ki paidbah kiba shong shnong kiba hap hapoh ka jingpeit katei ka Bank kin suk.
Ïa kane ka khubor la phah da u President ka AHPUF u samla Jhon Phawa.
