Shillong, Jylliew 17: Katkum ka kyrwoh khubor la ïathuh ba u Myntri Rangbah Duh ka Ri India u, Narendra Modi u la phah ïa ka khubor sngewlem halor ka jingjia tyngkhuh ki rel ha West Bengal. U Myntri Rangbah Duh u la ong ba ki jingpyrshang ban pyllait im ïa ki briew ka dang ïaid shakhmat.
Na ka liang u Myntri Rangbah duh u la ong ban ai jingïarap ruh ïa kiba la don ha kane ka jingjia aksiden bad ba u Myntri ka Tnat Rel, Ashwini Vaishnaw u dang leit sha ka jaka ba jia kane ka jingjia.
Ka kyrwoh khubor ka ong ba ka ophis U Myntri Rangbah Duh ka la pynbna ïa ka jingsiew bai lutksan kaba T. 2 lak na ka PMNRF sha ki bahaïing jong kito kiba la duh ïa ka jingim bad T. 50,000 ïa kito kiba la mynsaw bad ia kane ka jingpynbna u Myntri Rangbah Duh u la post ha ka X.
“Ka jingjia aksiden ka rel ha West Bengal ka long kaba sngewsih. Nga ai ka jingsngewlem sha ki bahaïing jong ki. Nga duwai ba kito kiba la mynsaw kin ïoh jingkoit jingkhiah kham kloi,”u la ong.
“Nga la ïakren bad ki ophisar ba kin peit ïa ki jinglong jingman. Ki jingpyrshang ban pyllait im ïa ki briew ki la ïaid shakhmat bad ruh ka jingai jingïarap ïa kito kiba la don ha kane ka jingjia aksiden,” bynrap u Modi.
U Myntri ka tnat Rel, Ashwini Vaishnaw ruh u dang leit sha ka jaka ba jia kane ka jingjia,” ong ka ophis u Myntri Rangbah Duh ha ka X.
“U Myntri Rangbah Duh u la pynbna ïa ka jingsiew bai lutksan kaba T. 2 lak na ka PMNRF ban ai sha ki bahaïing jong kito kiba la khlad ha kane ka jingjia ha West Bengal bad ïa kiba la mynsaw yn ai T. 50,000,” u la ong.
