Nongpoh, Jylliew 04 : Ka Confederation of Ri Bhoi People (CoRP) ka la pynpaw ka jingsngewkyndit halor ka jingkhlad ba kyndit noh jong u Vice president ka RBYF ba kum ka seng ka pynpaw ïa ka jingduhnong kaba khraw ïa ka Ri Bhoi District halor kane ka jingkhlad une u nongïalam uba ka seng kam shym la poi pyrkhat.
Haba phah ïa ka khubor sngewlem halor kane ka jingkhlad une nongïalam ka Seng RBYF sha kiba haing hasem jong jong u Bah Lankupar Sawkmie, u President ka CoRP, u Bah Bandari Ryntathiang, u la ong ba ka seng ka snngew kyndit halor kane ka jingkhlad ba kynsan une nongïalam bad kum ka seng ka pynpaw ba ka long ka jingduhnong kaba khraw ïa ka Ri Bhoi khamtam ha kaba une u samla kum u nongïalam u la noh synniang shibun na ka bynta ka bha ka miat bad ka roi ka par jong ki paidbah ha Ri Bhoi District.
U la ong ruh ba kane ka dei ka jingpynïaid beit pynïaid ryntih jong u Blei Nongbuh nongthaw ba kum ka seng ka buh ïa ka jingduwai ba kyrpang ba u Blei un ai ka jingjahthaid ïa ka mynsiem jong une u samla bad ha kajuh ka por ka seng ka phah ïa ka khubor sngewlem ba u Blei un ai ka jingpyntngen ïa ka kurim, ki khun ki kti bad ka ïing ka sem ha kum kane ka por ba u lyoh badum u wan kah ha kane ka ïing ka sem.
