Jowai, Jylliew, 01: U Deputy Commissioner jong ka West Jaiñtia Hills District u Abhinav Kumar Singh, uba dei ruh u Chairman jong ka District Disaster Management Authority (DDMA) WJH u la pynbna ba la pynjari ïa ka kyndon 34 (m) jong ka Disaster Management Act, 2005 (Act 53 2005), ban khang shwa shipor ïa baroh ki jaka jngohkai pyrthei kiba don hapoh ka West Jaiñtia Hills District.
Kane ka hukum kan treikam naduh ka 31 tarik, Jymmang tad haduh ban da pynbna da kumwei pat.
U DC u la pyntip paidbah ba ka jingkhang shipor ïa ki jaka jngohkai pyrthei ka long na ka daw ka jingïai bteng ka jinghap slap naduh kine ki khyndiat sngi hapoh ka District bad kaba lah ruh ban buh jingma ïa ki nongjngohkai pyrthei.
