Nongpoh, Jymmang 27: Ka Hynniewtrep Youth Council-Raid Nongtung Circle mynta ka sngi kala phah syndon da ka jingthoh sha u Bah Prestone Tyn-song Symbud Myntri Rang-bah ka jylla ba dei peit ïaka tnad PWD (Roads) halor ka jinglong jingman jong u surok naduh Liar-bang sha Maw lasnai kaba la buh jingeh ïa ki paidbah haka leit ka wan.
Haba phah ïaka kyrwoh naka liang u Bah Hercules Suting President ka HYC Raid Nongtung Circle bad u Bah Shemphang Masha-ring Secretary kila pynpaw ba ki paidbah kila mad jingeh mynta la bun phew snem halor ka jingjot rathai jong u surok naduh Liar-bang shaduh Mawlasnai kaba hap ha Mawhati Con-stituency kaba la ktah ruh ïaka leit ka wan jong ki paidbah naduh ka roi ka par bad khamtam haka pang ka shitom ba wat ki ambulance ruh ki kyntait ban leit sha kitei ki thaiñ namar ka jingsniew jong u surok.
Naka liang ka seng ha katei ka dorkhas bala phah sha u Myntri kala pynpaw ruh ba ka sorkar ka dei ban leh eiei halor katei ka jingeh ki paidbah ban pynioh noh da u surok rong ba paka ban pynsuk ïaki paidbah haka leit ka wan.
