Per ka metiap ka samla ba na Assam harud wah ha Uttarakhand kem ki pulit 2 ngut kiba suba donkti

Shillong, Jylliew 11: ïa ka met iap jong kawei ka samla ba 26 snem ka rta ka Rosmita Hojai, kaba dei na ka shnong Hojai, Dima Hasao district, Assam, la lap ha ka sngi ba-ar najan ka wah ha Pauri Garhwal district jong ka jylla Uttarakhand hadien ka jingjah rngai naduh ka 5 tarik u Jylliew.
Katkum ki khubor Pulit, la ïathuh ba ka Rosmita ka la leit sha Delhi ban leh ïa ka eksamin jong ka Railway Recruitment Board (RRB). Kane ka dei ka samla ba la dep pule engineering ha Haryana, bad ha kine ki khyndiat sngi ka Rosmita ka dang pynkhreh ban ïakhun ïa ka Assam Public Service Commission (APSC) exams ha Guwahati.
Kane ka samla kala ïathuh sha ki bahaïing ha ka 4 tarik jylliew ba kan leit sha Delhi. Hynrei ha ka janmiet jong ka 5 tarik kala phone ïa ka kmie ba kala wan phai noh hi da ka rel, ka rai kaba pynkyndit bad sngewpher, kaba la pynmih ruh ïa ka jingtharai sniew.
Hadien ba la lap ïa ka met iap jong ka ki pulit kila pynlong ïa ka jingtohkit kaba jur bad kila kem ïa ar ngut ki briew ban kylli jingkylli. Kine kiba la shah rah ha ki pulit la tip kyrteng kum u Hemant Sharma ba na Mohindergarh, Delhi bad u Pankaj Kokar na Rohtak, Haryana.
ïa ka met jong kane ka samla la rah noh ban leh post mortem bad ka jingtohkit kala ïaid shakhmat ban lap ïa ka jingshisha halor ka jingiap jong ka.