Shillong, Naiwieng 13: Kane ka long ka jingïaid lynti kaba thymmai na bynta ka Nangkiew Irat Sports Club, kaba la pynpaw ïa ka jingsngewkmen ban pynbna ba ka la ïoh ïa u trai ba thymmai — u Naga Manda Sangma, u wei na ki nongkhaiï na jylla Meghalaya u ba don ka jingieid kaba jylliew ïa kane jingïalehkai phutbol.
Ki bor pynïaid jong ka klob ka la hap ban ong ba “ ïa ka jingïateh kular la mynjur bad la soi ha kaba sdang jong u snem 2024” ha ka dor kaba ym shym la pynpaw bad la kyrpad ban ïarap ïa ka klob na ka bynta ka samoi 2024. Ngi sngewkmen ban lah ban noh synñiang sha ka jingkiew jong ka phutbol bad ngi“kan sumar ia man la ka khyllipmat kaba ngi la pynlut ha ka klob.’’
U Naga Manda Sangma, u wei na ki briew ba kham paw ha ka kam khaiï ha ka imlang ka sahlang, u wanrah ym tang ïa ka spah ne ka jingshemphang jong u ha ka spah hynrei ka jingïohi jngai kaba skhem na bynta ka lawei jong ka Nangkiew Irat Sports Club.
Ka jingnoh synñiang jong u ha ka kam ïalehkai bad ka imlang ka sahlang, ryngkat ka jingkyrshan na ka kam khaii pateng jong u kaba la seng bha bad ka jingsngewsbun mynsiem jong kiba don sawdong jong u, kan wanrah ïa ka jingïaid lynti kaba itynnat jong ka klob ha kine ki sngi ban wan.
Kawei na ki thong ba kongsan jong u Naga Manda Sangma ka long ban kyntiew ïa ka Nangkiew Irat Sports Club sha ka kyrdan kaba thymmai, da ka jingangnud kaba shai- kata ban btin lynti ïa ka klob sha ka lympung I-League. Ryngkat ka jingthmu ba thymmai bad kaba skhem jong u, ka jingshemphang ha ka kam khaii, bad ka jingsbun mynsiem ban nohsynñiang ha kaba ïadei bad ka jingpynroi ïa ka phutbol,” u la thmu ban kyntiew ïa ka Nangkiew Irat Sport Club sha ka kyrdan kaba shakhmat, hapoh bad shabar ka madan.
Hapoh ka jingïalam jong u Naga Manda Sangma, ka klob ka thmu ban bei tyngka ha ka ban pynroi ïa ki khynnah samla, bad lam lynti ban pynthikna ba ka kynhun ka la long ba la khreh na bynta ki lympung phutbol kiba la kham khlaiñ.
Ka jingieit jong u ïa kane ka jingïalehkai bad ka jingkyrshan ba sbun mynsiem jong u khlem artatien kan long ka iktiar ban kyntiew ïa ka Nangkiew Irat Club kiba ka klob kan seisoh.
Ha kaba ïadei bad kane, na ka liang jong jong ka Nangkiew Irat Sports Club ka pdiang sngewbha ïa u Naga Manda Sangma kum u trai ba thymmai jong ka klob “Nangkiew Irat Sports Club Football Club” da kaba khmihlynti ïa ka lawei kaba phyrnai.
