Pdiang sngewbha ka Ïing Dorbar ïa ka MLA ba thymmai na Gambegre, ka Dr. Mehtab A Sangma

Shillong, Nailur 08 : U Lamphang ka Ïingdorbar Thaw Assembly u Thomas A Sangma ha ka sngi Nyngkong u la pdiang sngewbha ïa u Dr. Mehtab Chandee A. Sangma kum ka MLA ba thymmai na Gambegre constituency ha ka sngi sdang jong ka Dorbar Synrai.
“Ngi pdiang sngewbha ïa phi sha kane ka Ïing Dorbar kaba donburom,” Ong u Lamphang ha ka jingkren pdiang sngewbha ïa kane ka MLA ba thymmai kaba dei ruh ka kurim jong u Myntri Rangbah ka Jylla Conrad Sangma.
Kumban shu pynkynmaw hangne, ka Dr. Mehtab ka la shah jied kum ka MLA ba thymmai ha ka elekshon shiteng samoi kaba long ha u Naiwieng jong u snem ba la dep hadien ba ka la lah ban pynliem noh ïa ka kyrtong kaba wan ba ar na ka TMC, ka Sadhiarani.
Ka jingpoi ka elekshon shiteng samoi ha katei ka constituency kadei hadien ka jingresain noh jong u Saleng A Sangma kum u MLA hadien ba u la shah jied noh kum u MP ka Tura Parliamentary constituency.