Pdiang burom ka FKJGP ïa ka samla Rinalis ba khur takma na ka 66th National School Games Athletic

Nongpoh, Jylliew 12 : Ka Federation of Khasi Jaiñtia and Garo People (FKJGP) North Khasi Hills District haka sngi u Blei kala pdiang burom ïaka samla Rinalis Ingti, kaba la ioh khur takma rnong haka jingïakop High Jump, naka lympung 66th National School Games Athletic kaba la long dang shen ha Bhopal, Madhya Pradesh hadien ba ka kynhun jong ka jylla kila wan phai haka sngi u Blei.
Na ka liang ka seng hapoh ka jingïalam jong u Samla Shanlang Diengdoh Genenral Secretary bad ki dkhot kila pdiang burom da u syntiew ïaka Samla Rinalis Ingti kaba pule ha OM Roy Higher Secondary School kaba dei ruh naka shnong Umsohlait Ri-bhoi District.
Ka seng FKJGP lyngba u Samla Shanlang Diengdoh kala pynpaw ruh ba kum ka seng kam don eiei ban ai sha katei ka samla, hynrei tang ka jingai mynsiem ïa katei ka samla ba kan dang kiew shaphrang haka jingpule bad ka kam ïalehkai sports, namar katei ka jingkhur takma jong katei ka samla ka long shisha ka jingsarong ïaka jylla baroh kawei bad kyrmen ruh ba kan dang kilan bha ha kiwei kiwei ki lympung.
Na ka liang ka samla Rinalis Ingti kala ai khublei ïa baroh kiba la kyrshan ïaka ba kan poi sha katei ka thong bad pynpaw ruh ka jingsngewkmen kaba khraw halor ka jinglah jong ka ban lehbha bad ban khur takma na katei ka lympung.