Shillong, Naitung 08: Ka MLA ba shah beh seng shipor jong ka Congress ka Kong Ampareen Lyngdoh ha ka sngi Thoh dieng ka la ong ba ka don ka jingïapait hapdeng ka BJP Meghalaya lada bishar na kaei ka paw shabar mynta.
“Ka paw ba kane ka jingïapait jong ka BJP la ïakren ïa khana wat da u paidbah ruh. Lada nga dei kaba la slem ne kaba dang shu rung ha ka party ruh ngan ym khot ïa ki lad pathai khubor ban pathai khubor la ka jong ka jaka. Ngan
ym thad hi ruh wat ïa ka jingbakla jong u paralok jong nga,” ong ka Kong Ampareen.
Kane ka jingkren ka Kong Ampareen ka long hadien ba u Bah AL Hek uba dei ruh u MLA jong ka BJP u la takraiñ bad pynrem jur ïa la u para MLA na ka ka seng BJP u Bah Sanbor Shullai hadien ba u la knieh ktien kynsan katba u Lamphang jong ka Iingdorbar Thawaiñ ka Jylla u Bah Metbah Lyngdoh u dang ai jingkren ha ka jingwan pan jingkyrsshan jong ka kyrtong President jong ka NDA ka Draupadi Murmu ha ka sngi Balang mynta ka taiew.
