Shillong, Naitung 27 : U Symbud Myntri Rangbah ka Jylla, Bah Prestone Tynsong u la pyntip ba haduh mynta ka seng kieng atiar HNLC kam pat pynpaw ei ei bad sngap jar jar halor ka jingkhot jong ka sorkar jylla ïa ki ban wan sha ka miej ïa kren ïa suk.
Haba kren bad ki lad pathai khubor, u Symbud Myntri Rangbah ba dei peit ïa ka tnad Kampohiing ka Jylla u la iathuh ruh ba haduh mynta ym pat don satia ba ai ktien. “Haduh mynta ki dang sngap beit jar jar,” u la ong.
Dei ha u Kyllalyngkot jong une u snem ka HNLC ka la weng noh ïalade na ka jingïakren ïa suk da kaba kynnoh ba ka sorkar jylla kam shym la sngap ïa ki san tylli ki mat jingdawa jong ka kaba kynthup ïa ka jingmap noh ïa ki kam bymman ïa ki nongïalam bad ki dkhot jong ka.
