Shillong, Jymmang 30 : U Samla Ankur Das uba dei na kane ka nongbah Shillong u la wanrah ïa ka nam bad burom na ka bynta ka jylla namar u la pass ïa ka Civil Service (CS) Examination jongka Union Public Service Commission (UPCS) ha ka kyrdan kaba 52.
Une u samla u dei uba pyndep ïa ka jingpule na St Edmund’s School bad nangta na Army Public School, Shillong. U la pyndep ïa ka Graduation ha ka Biotechnology na Amity University ha u snem 2017. Hadien kane ula pynlut ïa ka por jongu ha kaba pynkhreh ïaka examin UPSC namar u don ka jingthrang ban pass ïa ka Civil Service naduh ba u dang leit skul. U la ïakhun nyngkong eh ha u snem 2018 hynrei u khlem pass. Wat la katta ruh u khlem kynran dien ula nang pyntbit shuh shuh bad ïai ïakhun bad ha kane ka kynti ha ka sien kaba san u la pass ïa kane ka examination. U Ankur Das u sah bad ki kmie ki kpa jongu ha Jail Road, Shillong.
Na ka liang ka All India Services Pre Examination Training Centre, Shillong ka ai khublei kitbok kit rwiang ïa u samla Ankur Das uba la pass ïa kane ka exsaminationha ka kyrdan kaba 52 bad kyrmen ruh ba un nang kiew ha ki kam ba un shakri nangne shakhmat.
