Shillong, Naitung 06: Lai ngut ki dkhot jong ka Meghalaya Wushu Association kiba kynthup ïa ka Lorenza Songthiang, ka Satisfy Syngkon bad u Baremdor Kharmuti ki la lah ban wan phai sha la ïing da ka jingkmen ha kaba ki la pass bha ha ka prokram pyntbit jong ka jingïalehkai Wushu ha Punjab.
Kine baroh lai ngut ki la leit ïashim bynta ha ka prokram ai jinghikai kaba la tip da ka 6th Week Coaches Course ha ka Wushu discipline 2025 kaba la pynlong ha NS NIS PATIALA, ha Punjab ryngkat bad kiwei pat ki para dkhot na kylleng ki jaka jong ka Ri. Ki la don baroh 27 ngut ki coach Wushu na kylleng ka ri India kiba la wan ïashim bynta ha kane ka prokram.
Ka Lorenza ka la ïohpdiang ïa ka A Grade, katba u Bremdor Kharmuti bad ka Satisfy Syngkon baroh arngut ki la ïoh B Grade.
Halor kane, na ka liang jong ka Meghalaya Wushu Association ka ai khublei ïa jingjop bad ka kitbok kitrwiang ïa kiwei pat ki jingjop ha ki por ban wan kham sha khmat.
