Shillong, Risaw, 09: Ki ar ngut ki khynnah na rilum Jaiñtia ha ka sngi Balang ki la wan shakhmat ban panmab na ki paidbah bad kumjuh ruh na ka Chi ïung Multi-purpose Society (CIMS) halor ka jingdonkti ban leh tuh ne leh thok ha ka sngi la ba pynlong ïa ka khalai nusib ha ka 28 tarik, Nailur 2024 ïa kaba la pynlong ha shnong Ladmuthlong A, West Jaiñtia Hills District.
Ha ka jingïakren bad ki lad pathai khubor, kine ki ar ngut ki khynnah rit ki la panmab na ki paidbah halor ka jingleh thok jong ki namarba ka pynbitar haduh katta katta ïa ki paidbah kiba ladep thied ïa ki tiket khalai nusib.
Kine ki khynnah ki la phla ba ki la thied shi song (book) ka tiket bad ha ka sngi ba la pynlong ïa ka jingpynkhalai nusib bad hadien ba la shah khot ban shim ïa ki slip, kine ki khynnah ki la phla ba ki ladep buhrieh lupa ïa ka tiket ha kjat bad hadien ba la suh khlieh ki la sei pat ïa ka tiket ba la buh rieh na kjat ban kam ba ka dei ka khusnam kaba nyngkong ka ban ïoh ïa ka trok Dumper ne da ka pisa T. 40 lak.
U Pakhynnah jong kine ki arngut ki khynnah rit, u la pynaw ba kum ka iing ka sem kam don bynta eiei ruh em bad kane ka jingleh jong ki khynnah bad u la pynpaw ruh ba um don jingtip ïa kane ka kam bad kum ka iing kim ju pynshlur ïa ki khun ki kti ban leh ïa ki kam thok kam shukor bad ha kajuh ka por u la panmab na ki paidbah halor kane ka jingleh jong kine ki khynnah.
