Pang ksuid ki khynnah 2 ngut ha Ri-Bhoi, koit hadien ka jingduwai u Phadar ha Byrnihat Parish

Nongpoh, Nailar 28: 2 ngut ki khynnah kila kem pang kynsan mynta ka sngi hadien ba kila ioh pang ksuid haduh ba kim tip briew shuh, bad mar mar naka liang ki bahaiing kila leit rah sha Byrnihat Parish ban phah pynlong da ka jingduwai ba kyrpang ban beh ïa u bymman u la shong hapoh jong ki.
Kane ka jingjia kala jia mynta ka step ha kaba kala don shuwa kawei ka khynnah kaba la tip kyrteng kum ka Banroi Ksiar naka thaiñ Umtyrnga kaba dei ruh ka khun swet bala peit bad khmih da u mama jong ka, hynrei hynne ka step kyndit kynsan katei ka khynnah kam tip briew bad don ba wan paw haka bala khot khun ruh ïaka, bad namar ka jingksaid jong ka ban lait na u ksuid, u mama jong ka mar mar u la leit rah ïaka sha Byrnihat Parish ban phah duwai kyrpang bad haka jingdon u Fr Kmenlang Nongrum ryngkat kiwei kiwei ki nongsharai Balang ki buh da ka jingduwai bad shimpor kumba katto katne por ba u ksuid un pynlait ïaka, hynrei namar ka jingkhlaiñ ka jingduwai u ksuid ba don hapoh jong ka u la pylait noh ïaka bad koit na katei ka jingpang tang hadien kumba katto katne por.
Shuh shuh ha kajuh ka sngi sa kawei ka khynnah kaba la tip kyrteng kum ka Lucila Ksiar ha Jojwa Byrnihat kala ioh pang Taro ha kaba ki bahaiing hasem kila leit ban rah mar mar sha katei ka juh ka ïingmane ban phah pynlong da ka jingduwai bad ioh jingkoit tang hadien kumba katto katne por ba utei u Father u pynlong ka jingduwai.
Naka liang ki bahaiing ryngkat kitei ki khynnah ba ioh pang kila pynpaw ka jingsngewkmen kaba khraw hadien ba kila lait na katei ka jingpang bad ka jingthombor jong u ksuid ïaki, uba la pyrshang ban thombor ïaki haduh ba kin da kem pang bad khlem tip briew shuh, hynrei dei tang ka bor jong u Blei ba kila lait na u ksuid hadien ka jing buh jingduwai ha Byrnihat Parish bad ai khublei ruh ïa u Fr Kmenlang Nongrum bad kiwei kiwei ki riew ñiam kiba la buh jingduwai lang ha kane ka sngi.