Shillong, Jymmang 08: Mynta ka sngi u Myntri Rangbah ka jylla u Conrad K Sangma u la ïa kynduh ïa u myntri khynnah ka sorkar pdeng u Kaushal Kishor ba dei peit ïa ka tnad shna ïing bad ki kam pynroi ka sorkar pdeng ha nongbah Delhi.
U Myntri Rangbah ka jylla lyngba ka Twitter mynta ka sngi u la pyntip ba ha kane ka jingïakynduh ïa u myntri khynnah ka sorkar pdeng u la pynsngew ha u ïa ka jingtrei ha kaba ïadei bad ka kam ring um ha ki jaka sor lyngba ka skhim AMRUT.
Ha kane ka jingïakynduh la kyntu ïa u myntri ka sorkar pdeng ban pynlait pisa na ka bynta ban pyntrei kam ïa ki skhim ring um ha ki jaka sor ha kane ka jylla Meghalaya hapoh jong ka kyrteng “Urban Water Scheme”.
