Shillong, Naitung 08: Ka Employment Monitoring Cell jong ka KSU ha ka sngi Nyngkong ka la leit pan jingpynshai na u Chairman ka MPSC halor ka jingpynmih ïa ka resol jong ka Statistical Officer (SO) ka tnat A.H Veterinary.
Haba ïadei bad kane na ka liang ka seng KSU ka la leit pan jingpynshai kadei halor ka nongrim ba la jied ïa arngut ki samla, uwei na ka Khasi-Jaiñtia category bad uwei na ka Garo category katkum ka notification ba la pynbna ha ka 27.06.2024.
Ka KSU ka la pynpaw ïa ka jingsngew lyngngoh, ba katkum ka advertisement ba la pynmih ha ka 14.12.2020 pat, ka jinglaitkam ka dei tang na bynta kawei ka post bad ïa kane la pynskhem biang da ka Corrigendum kaba lah mih ha ka 14.09.2022 kaba dei ban dei thik tang ïa kawei ka post na bynta Khasi-Jaiñtia category.
Na ka liang jong ka MPSC ka lah pan por ban ai jingpynshai halor kane ka bynta.
Ka KSU ka la maham ba ym pat dei ban thung ïa kane ka post katba ym pat ïoh ïa ka jingpynshisha halor kane ka kam bad khamtam eh ha kaba ïadei bad ka jingpynmih ia ka advertisment.
