Shillong, Nailur 13: Ki nonghikai contract hapoh ka shatri jong ka Meghalaya Government Lower Primary School Contractual Teachers Association kiba la shah weng noh na ka kam hikai jong ki ha u snem 2021 kiba la pynlong ïakhih naduh ka 7 tarik ban dawa ba ka sorkar ka dei ban pynlong ïa ka jingdawa jong ki ban thung kam biang hadien ba ka la beh noh ïa ki na ka kam.
Na ka liang kine kine ki nonghikai ki la ki la rai ban pynlong ïa ka jingïakhih da kaba ïaid paidbah ne Peaceful March ha ka 16 tarik ha kaba kin ïakynduh lang ha ka por 9 baje ha Mot u Kiang Nangbah hajan Civil Hospital Shillong bad sdang pat ïa ka jingïakhih jong ki.
“Na ka liang jong ngi ngi khot ngi ïa ki nonghikai baroh bad ki paidbah ban wan ai jingkyrshan sha kane ka jingïakhih ban dawa ba ka sorkar ka dei ban ai ïa ka hok jong ngi” ong Babu Birbor Riangtem.
Kumban shu kdew ba kine ki nonghikai ki la pynlong ïa ka jingïakhih kaba bun rukom bad wat ka jingshong shah thngan ha khmat Secretariat.
