Shillong, Naitung 20: Ka All Meghalaya Karate-Do Association [AMKA] ka la pynbna ba palat 700 ngut ki nongïalehkai karate na ki 101 tylli ki skul ki la pynrung kyrteng ïalade ban ïashim bynta ha ka lympung ïalehkai karate kaba 31 jong ka State Level Inter School Karate Tournament 2025.
Ka AMKA kan pynlong ïa kane ka jingïalehkai kaba lai sngi lynter naduh ka 24 tarik haduh ka 26 tarik Naitung ha Multipurpose Indoor Hall, SAI, NEHU, Shillong.
Ha u snem ba ladep ka St Anthony’s Higher Secondary School ka la long ka lahduh na ka liang ki shynrang, katba ka Sacred Heart Girls Higher Secondary School ka la rah nam lahduh ha ka liang ki kynthei.
Ki la don haduh 731 ngut ki nongïalehkai karate kiba la pynrung kyrteng na ka bynta kane ka lympung mynta u snem, kaba kiew na ka 609 ngut na ka lympung jong u snem ba ladep, kaba dei ka rekod kaba thymmai bad kaba pyni ïa ka jingsngewtynnad jong ka Jylla ïa kane ka jait jingïalehkai.
ïa kane ka Championship la kyrshan da ka tnad ïalehkai jong ka Sorkar Jylla.
